Qozog‘iston prezidenti Nursulton Nazarboyev mamlakat poytaxti Ostonani o‘z sharafiga nomlash g‘oyasini qo‘llab-quvvatlamadi. U poytaxtning rebrendingga ehtiyoji yo‘qligini aytib o‘tdi, deb xabar beradi “RBK”.
“Qayerga bormay, hamma yerda Ostonani bilishadi. Shu bois uning nomini o‘zgartirishga ehtiyoj yo‘q. Bunday zarurat ko‘rmayapman. Ostonada YeXHTning XXI asrdagi birinchi sammiti bo‘lib o‘tdi, qishki Osiyo o‘yinlarini qabul qildik, endi EKSPO–2017, jahon an’anaviy dinlari syezdi bo‘lib o‘tadi... Buning bari Qozog‘iston bilan bog‘liq, lekin hamma yerda Ostonaning nomi jaranglayapti. Buni o‘zgartirishga qanday ehtiyoj bo‘lishi mumkin?”, — dedi davlat rahbari.
U shaharlarning nomini o‘zgartirish masalasiga bosiqlik bilan munosabatda bo‘linishini ta’kidlab o‘tdi.
Bir muddat ilgari Nazarboyev parlamentning ushbu tashabbusini ko‘rib chiqib, davlat uchun zarur qaror qabul qilish lozimligini aytib o‘tgan edi.
Izoh (0)