“O‘zbekiston havo yo‘llari” milliy aviakompaniyasi ikkinchi Boeing 787 Dreamliner ekspluatatsiyasini boshladi. 23-noyabr kuni layner Toshkent–Dubay–Toshkent yo‘nalishi bo‘yicha ilk reysni amalga oshirdi, deb xabar beradi UzDaily.

Aviakompaniyaga ikkinchi Dreamliner 5-noyabr kuni yetkazilgan edi. Birinchi Dreamliner Toshkentga 31-avgust kuni yetib kelgan edi. O‘shandan buyon layner O‘zbekiston shaharlariga, shuningdek, Olmaota, Dubay va boshqa xorijiy shaharlarga parvoz qildi.

“O‘zbekiston havo yo‘llari” bayonotiga ko‘ra, yaqinda yangi avlod laynerlarida uzoq masofaga uzluksiz transatlantik parvozlarni amalga oshirish yo‘lga qo‘yiladi.