Toyota kompaniyasi AQShda 744 000 dona Sienna minivenini chaqirib olishini ma’lum qildi. Bunga surilma eshiklardagi nosozlik sabab bo‘ldi. Bu haqda CNBC ma’lum qildi, deb yozadi “RBK”.
Nashrning ma’lum qilishicha, nosozlik tufayli eshiklar harakatlanish davomida ochilib ketishi mumkin. Bu eshiklarning harakatlanishiga nimadir to‘sqinlik qilganda va zanjir me’yoridan ortiq yuklanganda yuz beradi. Bu holat eshik qulfi ochiq bo‘lgan vaziyatda yuz bersa, u harakatlanish vaqtida beixtiyor ochilib ketishi mumkin.
Hozirgi paytda Toyota ushbu muammoni hal etish usullarini ishlab chiqayotganligi ta’kidlanmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.