Londonning Claridge’s mehmonxonasi bezaklari Apple’ning yetakchi dizaynerlari Joni Ayv va Mark Nyuson tomonidan ishlab chiqilgan yangi yil archasini rasman namoyish etdi, deb yozadi TJournal.
Avvalgi dizaynerlardan farqli ravishda loyiha ustida ish olib borgan Nyuson va Ayv archaning o‘zini bezatmadi: unda yulduzlar ham, yaltiroq sharlar ham, boshqa aksessuarlar ham yo‘q.
Apple xodimlari asosiy e’tiborni mehmonxona lobbisiga qaratdi. U kichikroq archalar, yuqoridan osilib tushgan qarag‘ay shoxlari va qayinzor tasviri tushirilgan yoritib turiluvchi devorlar bilan bezatilgan.
Lobbidagi yoritish tizimi kun davomida quyosh holatiga qarab avtomatik ravishda o‘zgarib turadi. Shuning uchun mehmonxona mehmonlarini uyg‘onganda tong yorishishi, mehmonxonaga qaytish oldidan esa qosh qorayishi qarshi oladi.
2016-yilda Claridge’s o‘z xollini bezatish uchun yettinchi marta mashhur dizaynerlarni taklif qildi. Bundan avval Burberry, Dolce & Gabbana va boshqa brendlar mehmonxona uchun o‘z loyihalarini taqdim etgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.