Tibetning diniy yetakchisi Dalay-lama 19-noyabr, shanba kuni, Xitoy rasmiylari noroziligiga qaramay, Mo‘g‘ulistonga 4 kunlik tashrifini boshladi. Bu haqda “Interfaks” xabar bermoqda.
Xitoy TIV Mo‘g‘ulistondan mamlakat rasmiylari “Dalay-lama tashrifiga ruxsat bermasligi, uning to‘dasi ayirmachilik faoliyatiga imkoniyat tug‘dirmasligi”ni talab qildi.
O‘z navbatida, Mo‘g‘uliston TIV Dalay-lama tashrifining mamlakat hukumatiga aloqasi yo‘qligini ta’kidlamoqda. Uni taklif etgan buddaviy ibodatxona vakillari tashrifdan faqat diniy maqsadlar ko‘zlangani, siyosatga bog‘liq jihatlari yo‘qligini ma’lum qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)