Lego o‘yinchoqlarini ishlab chiqaruvchi Daniya kompaniyasi Londonda dunyodagi eng yirik konstruktorlar do‘konini ochdi. Bu mazkur brendning jahon bo‘ylab faoliyat ko‘rsatayotgan 131-do‘koni bo‘ldi, deya xabar beradi “Interfaks”.
Lester xiyobonida joylashgan ikki qavatli do‘konda Big-Ben minorasining ishlovchi soat va nurlanishga ega, 200 mingta Lego qismlaridan tayyorlangan 6 metrli nusxasini ko‘rish mumkin. Ushbu minorani tayyorlashga 2280 soat ketganligi bildirilmoqda.
Shuningdek, konstruktordan London metrosi tabiiy kattaligicha qurildi. Bunga 600 mingdan ortiq Lego qismlari sarflandi.
Ma’lumot uchun, Lego Group xususiy kompaniyasiga 1932-yilda asos solingan. Unda hozirgi kunda 18,5 ming xodim xizmat qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)