Toshkentning “Obod” klubi bosh murabbiyi Ja’far Irismetov “Chempionat” nashri bilan suhbatda O‘zbekistonda futbol pastga qarab ketayotgani haqida aytib o‘tgandi. Oliy Liga 29-turidan joy olgan “Andijon”ga qarshi o‘yindan keyin jurnalistlar undan fikrlari o‘ziga tegishli yoki yo‘qligini so‘radi.
“Rossiya matbuotidagi barcha gap o‘zimga tegishli. Biroq ba’zi saytlar uni bo‘rttirib yubordi”, — deb mutaxassisning gaplaridan “Championat.asia” iqtibos keltirdi.
“Men terma jamoa yoki uning murabbiyi haqida gapirmagandim. Mamlakat o‘smirlar va yoshlar terma jamoalari Jahon Chempionatiga chiqa olmaganidan kelib chiqib, bolalar futbolida pasayish borligi haqida fikr bildirgandim. O‘zimning farzandlarim ham futbol o‘ynaydi. Barchasini ko‘rib turaman. Jurnalistlarimiz esa meni Samvel Babayanga qarshi qilib qo‘ydi, bor gap shu”, — deb fikrini yakunladi Irismetov.
Izoh (0)