Adabiyot bo‘yicha 2016-yilgi Nobel mukofotiga loyiq deb topilgan amerikalik qo‘shiqchi Bob Dilan uni olish uchun Stokgolmga borishdan bosh tortdi, deb yozadi “RBK”. Bu haqda Associated Press Shvetsiya akademiyasiga tayanib xabar bergan.
Akademiya xabarida aytilishicha, Dilan “mukofotni shaxsan qabul qilib olishni istardi, ammo, afsuski, ba’zi sharoitlar tufayli, bu mumkin emas”.
Mukofotni topshirish marosimi 10-dekabr kuni bo‘lib o‘tadi.
Akademiyadagilar Dilanning qarorini hurmat qilishini aytdi. Endi uning Nobel ma’ruzasini kutishmoqda. Qoidaga muvofiq, u yarim yil ichida o‘tkazilishi kerak.
Eslatib o‘tamiz, Bob Dilan “Amerika qo‘shiqchilik an’anasi doirasida yangi poetik iboralarni yaratgani uchun” mukofotga loyiq deb topilgan edi.
Izoh (0)