Futbol. Germaniya terma jamoasi Italiyaga gol ura olmadi, Angliya esa Ispaniyaga 2 ta gol urib ham yutmadi (video)

15-noyabr kuni yakuniga yetishi kerak bo‘lgan FIFA kunlaridan unumli foydalangan Yevropa mamlakatlari xalqaro o‘rtoqlik o‘yinlari doirasida maydonga tushdi. To‘rt kun avval ular Rossiya—2018 doirasida saralashning 4-turini yakunlagandi.

Italiya terma jamoasiga qarshi o‘yin oldidan Rim Papasining qo‘lini siqib qo‘ygan nemis futbolchilari, ertasi kuni 90 daqiqa davomida raqib darvozasiga yo‘l topa olmadi. Shuningdek, o‘z darvozasidan ham gol o‘tkazib yubormadi.

Kechagi kunning eng qiziqarli o‘yini Angliya va Ispaniya terma jamoalari o‘rtasida bo‘lib o‘tdi. Bellashuvda inglizlar ikkita gol farqi bilan oldinda bora turib, yakunda g‘alabani qo‘ldan chiqardi. 89 va 96-daqiqalarda gol ura olgan ispanlar mag‘lubiyatdan qutulib qoldi.

Yevro—2016 finaliga qadar yetib borgan Didye Desham boshqaruvidagi Fransiya terma jamoasi o‘z maydonida Kot-d’Ivuar qarshiligini sindira olmadi. Yevropaning qolgan jamoalari qayd etgan natijalar bilan quyida tanishib olish mumkin.

Xalqaro o‘rtoqlik o‘yinlari 15-noyabr, seshanba

Malta — Islandiya 0:2

Vengriya — Shvetsiya 0:2

Ukraina — Serbiya 2:0

Chexiya — Daniya 1:1

Shimoliy Irlandiya — Xorvatiya 0:3

Avstriya — Slovakiya 0:0

Italiya — Germaniya 0:0

Fransiya — Kot-d’Ivuar 0:0

Angliya — Ispaniya 2:2