Angliya Premyer-Ligasida shuhrat topgan murabbiylarning tarixiy suratlari (foto)

Italiyalik rassom-grafik Angliya Premyer-Ligasi mutaxassislarining tarixiy suratlarini taqdim etdi. “Championat.asia” nashri suratlar ostida yozilgan izohlarni Pupuzzaro rassom-grafik nomidan tarjima qilgan.

Aleks Fergyuson

Janglarning oxiriga qadar kurashdan tinmaydigan qo‘mondon. U ko‘plab tarixiy g‘alabalarni qo‘lga kiritgan tirik afsona hisoblanadi.

Arsen Venger

O‘z yerini birovlarga hech qachon berib qo‘ymaydigan qo‘mondon. Uning askarlari ko‘p talofat ko‘radi, shunga qaramay qo‘rg‘onini to‘pchilar mustahkam qo‘riqlab turadi.

Joze Mourinyo

Kuchsiz qo‘shin bilan ulkan g‘alabalarni qo‘lga kiritishi mumkin bo‘lgan qo‘mondon. Butun Yevropa undan hayiqib turadi.

Xosep Gvardiola

Ispancha hujum taktikasini mohirona yo‘lga qo‘ya olgan general. U nafaqat o‘z yurtida, balki nemislar va inglizlar istiqomat qiladigan makonlarda ham muvaffaqiyatga erisha olgan kam sonli inson.

Yurgen Klopp

Eng vahshiy qo‘mondon. Uning askarlari odatda dushman tomonni shunchaki yanchib tashlaydi.

Klaudio Ranyeri

Ingliz yerlarini zabt eta olgan italiyalik qo‘mondon. Uning ayyorona yurishlariga ko‘pchilik aldanib qoladi.

Maurisio Pochettino

Askarlari juda yosh bo‘lsa-da, ulardan foydalanishni biladigan va tajribali qo‘mondonlar bilan tengma-teng kurashadigan general.

Antonio Konte

Qal’alarni ishonchli himoya qila oluvchi mohir qo‘mondon. Ishonchli himoya va qarshi hujumda uning oldiga tushadigani yo‘q.

Slaven Bilich

Janglarda ko‘p askarini yo‘qotsa-da, yakunda g‘alaba qozonadigan qo‘mondon. Ammo har doim ham uning himoya qo‘rg‘oni dushman hujumlariga dosh beravermaydi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.