2011-yilda Oq uydagi ziyofatda AQSh prezidenti Barak Obama va qiziqchi Set Mayers Donald Trampning ehtimoliy siyosiy ambitsiyalari ustidan kulgan edi, deb yozadi TJournal.
Business Insider e’lon qilgan videolavhada Mayers so‘zga chiqib, biznesmenning prezident bo‘lish istagi haqidagi yangiliklarga ishonmaganini aytadi. Shuningdek, milliarderning soch turmagini masxara qiladi.
Zalda o‘tirgan Tramp uning nutqini zo‘rma-zo‘raki yuz ifodasi bilan tinglagan.
Mayersdan so‘ng Obamaning o‘zi nutq so‘zlab, Trampga fitna nazariyasini rad etgani uchun minnatdorlik bildirgan. Keyin esa u Tramp AQSh prezidenti bo‘lsa, Oq uyni kazinoga aylantirib yuborgan bo‘lardi, deya taxmin qilgan.