Messi, Ronaldu va Vardi yilning eng yaxshi futbolchisi uchun mukofotga da’vogarlik qilmoqda

“Barselona” futbolchisi Lionel Messi, “Real” hujumchisi Krishtianu Ronaldu va “Lester” forvardi Jeymi Vardi FIFA versiyasi bo‘yicha yilning eng yaxshi o‘yinchisi mukofotiga nomzodlar ro‘yxatiga kirdi. Bu haqda “TASS” xabar bermoqda.

Ro‘yxatga yana 20 futbolchi kirdi. Ular orasida Serxio Aguero (“Manchester Siti”, Angliya), Garet Beyl (“Real”, Ispaniya), Janluiji Buffon (“Yuventus”, Italiya), Kevin de Bryuyne (“Manchester Siti”, Angliya), Antuan Grizmann (“Atletiko”, Ispaniya), Zlatan Ibragimovich (“Manchester Yunayted”, Angliya), Andres Inyesta (“Barselona”, Ispaniya), N’Golo Kante (“Lester”, Angliya), Toni Kroos (“Real”, Ispaniya), Robert Levandovski (“Bavariya”, Germaniya), Riyad Marez (“Lester”, Angliya), Luka Modrich (“Real”, Ispaniya), Manuel Noyer (“Bavariya”, Germaniya), Neymar (“Barselona”, Ispaniya), Mesut Ozil (“Arsenal”, Angliya), Dimitri Payye (“Vest Xem”, Angliya), Pol Pogba (“Manchester Yunayted”, Angliya), Serxio Ramos (“Real”, Ispaniya), Aleksis Sanches (“Arsenal”, Angliya) va Luis Suares (“Barselona”, Ispaniya) bor.

G‘olibni aniqlash uchun ovoz berishda terma jamoalar kapitanlari va murabbiylari, 200 dan ortiq OAV vakillari ishtirok etadi. Bundan tashqari, futbol ishqibozlari orasida onlayn ovoz berish o‘tkaziladi.