“Daryo” o‘z o‘quvchilaridan uzr so‘raydi va ularga rahmat aytadi. Kuni kecha o‘zbekistonlik Shahzodalar delfinlar bilan qanday suratga tushishi haqida xabar tayyorlangan edi.
Unda aktrisa Shahzoda Matchonova delfin bilan tushgan suratini hali e’lon qilmagani qayd etib o‘tilgan edi. “Daryo”ning har narsadan xabardor hushyor o‘quvchilari muxbirlarimizning bu xatosini to‘g‘riladi.Shahzoda Matchonova 2013-yilning 6-sentabrida Facebook’dagi sahifasida delfin bilan tushgan suratini e’lon qilgan va bu borada Shahzodalar orasida birinchi bo‘lgan.
2016-yil yanvarida xonanda Shahzoda delfin bilan tushgan suratini e’lon qildi.
2016-yil oktabrida esa aktrisa Shahzoda Muhamedova delfin bilan tushgan suratini e’lon qildi.
Lekin bizning mashhurlarimizga delfin cho‘t emas — ular kerak bo‘lsa timsoh, fil va ilonlar bilan ham birga suratga tushaveradi.
Izoh (0)