Tinch okeani orollarida istiqomat qiluvchi insonlar DNKsi tekshirilganida, ularda noma’lum manbaga oid genetik material shtammlari topildi. Bu haqda “Vesti.ru” xabar bermoqda.
Shu paytga qadar qadimgi Homo Sapiens odamlari neandertallar va Denisovo odamlari bilan chatishgan, degan qarash mavjud edi. Yangi ma’lumotlar asosida olimlar bizga noma’lum bo‘lgan uchinchi tur ham bugungi odamlarning to‘g‘ridan-to‘g‘ri ajdodlari bilan chatishganini taxmin qilmoqda.
Nature jurnalida chop etilgan tadqiqotga ko‘ra, Papua-Yangi Gvineyada hamda Avstraliya shimoli-sharqida istiqomat qiluvchi odamlar fanga noma’lum, qirilib ketgan inson turining DNKsidan oz miqdorda shtammlar saqlab qolgan. Topilgan DNK izlari Denisovo odamlarinikini eslatadi, lekin, shunga qaramay, olimlar bu gominidlarning alohida turi, degan xulosaga keldi.
2012-yilda ham bir guruh olimlar Afrikadagi insonlar DNKsida qirilib ketgan noma’lum bir gominid genlarining izlari borligi haqidagi taxminni ilgari surgan edi.
Izoh (0)