Bugun, 1-noyabr kuni Toshkentga Yevropada Xavfsizlik va hamkorlik tashkiloti (YXHT) Demokratik institutlar va inson huquqlari bo‘yicha byurosi (DIIHB)ning O‘zbekiston Respublikasi Prezidenti saylovni kuzatish bo‘yicha missiyasi rahbari Yoxan Peter Traugott Teyler keldi. Bu haqda “Daryo”ga O‘zbekiston Respublikasi Prezidenti saylovini yoritish bo‘yicha Respublika matbuot markazi xabar berdi.
Missiya rahbari Toshkentga yetib kelganidan so‘ng 2-noyabr kuni Radisson Blu Tashkent mehmonxonasida brifing o‘tkazilishini ma’lum qildi.
O‘zbekiston Respublikasi Markaziy saylov komissiyasi 2016-yil 28-oktabrdagi qarori bilan YXHTga a’zo bo‘lgan 13 ta mamlakatdan 17 nafar kishidan iborat YeXHT DIIHB kuzatuvchilar missiyasi asosiy guruhini ro‘yxatga olgan.
Izoh (0)