Islom Karimov nomini olgan Moskvadagi xiyobon, Toshkentda qurilishi boshlangan yangi metro yo‘nalishlari, bojxona to‘lovidan ozod etilgan urug‘lar va kunning boshqa muhim xabarlari

1-noyabrning e’tiborga molik yangiliklari — “Daryo”ning kechki dayjestida.

1. Moskva markazidagi xiyobonga Islom Karimov nomi berildi. Xiyobon O‘zbekiston konsullik bo‘limi va mehmon qabul qilish uyiga yaqin joylashgan.

2. O‘zbekiston va Qirg‘iziston davlat chegara chizig‘ining 49 ta uchastkasi bo‘yicha qo‘shma dala tekshiruvlari o‘tkazildi. Ishchi guruhlarning navbatdagi uchrashuvini O‘zbekiston hududida o‘tkazishga kelishib olindi.

3. Toshkentda yangi yer osti va yer usti tezyurar metro yo‘nalishlarida qurilish ishlari boshlandi. Toshkentda bunyod etilishi davom ettirilayotgan metro qurilishi endi “O‘zbekiston temir yo‘llari” aksiyadorlik jamiyati tomonidan amalga oshiriladi.

4. O‘zbekistonga keltiriladigan sabzavot, poliz va dukkakli ekinlar urug‘lari bojxona to‘lovlaridan ozod etildi. Qarorda O‘zbekistonga bojxona to‘lovlari olinmasdan import qilinadigan sabzavot, poliz va dukkakli ekinlar urug‘lari ro‘yxati tasdiqlandi.

5. Xitoy ilk bor beshinchi avlod J-20 qiruvchi samolyotini namoyish etdi. Havo kemasi taktik-texnik xususiyatlarining aksar qismi sir saqlanmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.