AQShning Virjiniya shtatida Nascar poygasidan qaytayotgan haydovchi 22 kishini urib ketdi. Bu haqda 31-oktabr, dushanba kuni USA Today ma’lum qildi, deb yozadi “Interfaks”.
Chevrolet SSR avtomobilini boshqarayotgan erkak nogironlar uchun avtomobillar to‘xtash joyida bo‘lgan va jipni aylanib o‘tishga harakat qilgan. Shu tarzda bir guruh yo‘lovchilar tomonga chiqib ketgan. Oqibatda to‘qqiz kishi shifoxonaga yotqizilgan. Ular orasida 13 yoshdan 65 yoshgacha bo‘lgan odamlar bor.
Politsiya gumonlanuvchini so‘roq qilmoqda. Uning qonida alkogol borligi aniqlanmagan. Uning bu harakati sabablari hozircha noma’lum.
Yo‘l-harakati hodisasi poyga yakunlangandan taxminan bir soat o‘tib yuz bergan.