AQSh prezidentligiga Demokratlar partiyasidan nomzod Hillari Klinton Federal qidiruv byurosini (FQB) uning shaxsiy elektron maktublaridan olingan yangi ma’lumotlarni e’lon qilishga chaqirdi. Bu haqda sobiq davlat kotibi Ayova shtatidagi matbuot anjumani chog‘ida ma’lum qildi, deya xabar beradi “RBK”.
Klintonga ko‘ra, “Amerika xalqi mazkur ish haqida to‘liq va hech qanday gap-so‘zga o‘rin qoldirmaydigan dalillarga ega bo‘lishga haqli”. AQSh prezidentligiga saylovlargacha atigi 11 kun qoldi va amerikaliklar bu vaqt mobaynida barcha ma’lumotlarni olishi muhim. Klinton FQB Adliya vazirligidan unga nisbatan jinoiy ish ochishni so‘ramasligiga umid bildirdi.
Eslatib o‘tamiz, oldinroq yangi materiallar topilgani sababli FQB yana Hillari Klintonning elektron yozishmalari bo‘yicha ish tergoviga qaytgani ma’lum qilingandi.
Izoh (0)