Kim Chen In Shimoliy Koreya shampunlarining sifatini maqtadi

KXDR yetakchisi Kim Chen In kosmetik vositalar ishlab chiqaruvchi yangi fabrika faoliyati bilan tanishdi. “TASS”ning Koreya markaziy telegraf agentligiga asoslanib bildirishicha, Kim Chen In avtomatik ish rejimiga o‘tkazilgan korxona mahsuloti, shu jumladan, suyuq sovun va shampunlar xilma-xilligi va yuqori sifati bilan ajralib turishini ta’kidladi.

“Ushbu zamonaviy fabrikaning foydalanishga topshirilishi koreys xalqi turmush darajasini oshirish ishiga hissa bo‘lib qo‘shiladi”, — dedi Shimoliy Koreya rahbari.

Kim Chen In ilgarigi chiqishlarida mahalliy losyon, atir-upa, sovun, krem va lab pomadalarining sifati import mahsulotlarining sifatidan yuqori turishi lozimligini aytgan.