BMT Xavfsizlik kengashi 28-oktabr kuni Damashqda Rossiya Federatsiyasi elchixonasining o‘qqa tutilishini qoraladi va Vena konvensiyasida belgilangan diplomatik missiyalar daxlsizligi tamoyilini eslatib o‘tdi. Bu haqda “TASS” xabar berdi.
“Xavfsizlik kengashi a’zolari 28-oktabr kuni Damashqda Rossiya Federatsiyasi elchixonasining minomyotdan o‘qqa tutilishi va oqibatda jiddiy moddiy zarar yetkazilishini qat’iy tarzda qoraladi”, — deyiladi Rossiya delegatsiyasining tashabbusi bo‘yicha qabul qilingan hujjatda.
Rossiya TIVning ma’lum qilishicha, terrorchilar 28-oktabr, juma kuni Rossiya Federatsiyasining Suriyadagi elchixonasiga qarata ikki minomyot snaryadini uloqtirgan. Ulardan biri diplomatik missiya binosi kirish qismi yaqinida portlagan. Qurbonlar yo‘q, elchixonaga moddiy zarar yetkazilgan, to‘rtta avtomobilga zarar yetgan.