Apple yangi noutbukining surati yaqinda yangilangan Mac OS operatsion tizimi fayllarida aniqlandi. Bu haqda “Interfaks” xabar bermoqda.
Suratga ko‘ra, MacBook Pro qurilmasidagi asosiy yangilik yuqori funksional klavishlarning mavjud emasligidir (ularning o‘rniga noutbukda sensorli panel joylashtirilgan). Shuningdek, Apple Pay tizimida pul o‘tkazmalarini tasdiqlash uchun foydalanish mumkin bo‘lgan qo‘l izlari skaneri ham o‘rin olgan.
Apple yangi mahsulotlarining rasmiy taqdimoti 27-oktabr, payshanba kuni o‘tkaziladi. Ovozalarga ko‘ra, kompaniya tadbirda MacBook Air va monoblokning yangi versiyalarini ham namoyish etadi.
Izoh (0)