OAV: Pentagon ishlab chiqarilmagan qurollarga 58 mlrd dollar sarfladi
AQSh mudofaa vazirligi oxirgi 20 yil mobaynida amalga oshmay qolgan qurol tizimlari loyihalariga jami 58 milliard dollar sarfladi. Bu haqda mudofaa vazirining xaridlar, texnologiyalar va logistika bo‘yicha o‘rinbosari Frank Kendall bayonot berdi, deb xabar qiladi “TASS”.
“Idora ichida o‘tkazilgan xaridlar samaradorligi tekshiruvi shuni ko‘rsatdiki, 23 qimmatbaho loyiha ishga tushirilgan, moliyalashtirilgan, ammo birozdan so‘ng, milliardlab dollar xarajatdan so‘ng, bekor qilingan”, — deyiladi bayonotda.
Eng yorqin misol sifatida “Kelajak jangovar tizimi” loyihasi esga olindi. Ushbu loyiha yagona kompyuter tarmog‘i bilan birlashtirilgan uchuvchisiz texnika bilan qurollangan yangi qismlarning shakllantirilishini ko‘zda tutgan edi. Loyiha ustidagi ishlar 2003–2009-yillarda davom etdi, shundan so‘ng g‘oyadan voz kechildi, ammo u paytga qadar loyihaga 20 milliard dollar sarflangan edi.
