Qozog‘iston prezidenti Nursulton Nazarboyevning Saudiya Arabistoniga rasmiy tashrifi davom etmoqda, deb yozadi Kazakhstan Today.
Nashrning ma’lum qilishicha, Madina shahriga yetib kelgan davlat rahbari viloyat gubernatori shahzoda Faysal bin Salmon Al Saud bilan uchrashuv o‘tkazgan.
Bundan tashqari, Nazarboyev Madinadagi Muhammad (s.a.v.) payg‘ambar masjidiga tashrif buyurgan va u yerda namoz o‘qigan. Shuningdek, Masjid an-Nabaviy masjidi me’morchiligi va interyeri bilan tanishdi.
Shundan keyin Qozog‘iston prezidenti Ar-Riyod shahriga yetib keldi. U yerda Saudiya Arabistoni qiroli Salmon bin Abdulaziz Al Saud bilan muzokaralar bo‘lib o‘tdi. Ularning yakuni bo‘yicha bir qator ikki tomonlama hujjatlarning imzolanishi kutilmoqda.
Tashrif davomida, shuningdek, Saudiya Arabistoni davlat arboblari va ishchi doiralari bilan bir qator uchrashuvlar o‘tkazish rejalashtirilmoqda.