BMT o‘zining 2010—2015-yillarda O‘zbekistonga ko‘mak berish bo‘yicha hadli dasturi (YuNDAF) doirasida turli loyihalar va dasturlarning amalga oshirilishi uchun mamlakatga 162 million dollardan ziyod miqdorda texnik yordam taqdim etdi. Bu haqda, BMTning O‘zbekistondagi doimiy koordinatori va BMT Taraqqiyot dasturining O‘zbekistondagi doimiy vakili Stefan Prisnerga asoslanib, UzDaily xabar bermoqda.
Prisnerning qayd etishicha, mablag‘lar kam ta’minlangan qatlamlarning iqtisodiy xavfsizligi va bandligini oshirish, sog‘liqni saqlash sohasidagi ta’lim va xizmatlar sifatini yanada yaxshilash, tabiiy va madaniy resurslardan ratsional foydalanish, adliya tizimiga murojaatlarni soddalashtirish hamda qonun ustuvorligi va samarali boshqaruvni targ‘ib qilishga yo‘naltirilgan.
2016-yildan boshlab O‘zbekistondagi BMT tizimi 2016—2020-yillarga mo‘ljallangan YuNDAF doirasida olti mavzuli yo‘nalishda ikki yillik rejalarni amalga oshirishga kirishgan. Mavzular iqtisodiy farovonlik, ijtimoiy muhofaza, sog‘liqni saqlash, ta’lim, atrof muhit va samarali boshqaruv kabilarni qamrab olgan.
Mazkur dasturni qo‘llab-quvvatlash uchun safarbar etiladigan jami resurslar qiymati 144,94 million dollarga baholanmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)