Futbol bo‘yicha Angliya Premyer-Ligasining 9-turidan joy olgan va 22-oktabr sanasiga tayin qilingan barcha bellashuvlar o‘z yakuniga yetdi.
Londonning ikki yetakchi klubi mazkur turda golsiz durang qayd etdi. “Arsenal” o‘z maydonida “Midlsbro” darvozasini ishg‘ol qila olmagan bo‘lsa, “Tottenhem” 90 daqiqa davomida “Bornmut” darvozasiga yo‘l topa olmadi.
Mazkur durang “to‘pchilar”ni 20 ochko bilan turnir jadvalida 1-o‘ringa olib chiqdi. Bu turda “Vest Bromvich”ni mag‘lub etgan “Liverpul” ham ochkolarini 20 taga yetkazib oldi. To‘plar nisbatiga ko‘ra Yurgen Klopp jamoasi keyingi pag‘onada qayd etilgan.
Mamlakatning amaldagi chempioni “Lester” ketma-ket uch muvaffaqiyatsiz o‘yindan keyin 3 ochkoni qo‘lga kiritdi.
9-turning yana ikki uchrashuvi ertaga — 23-oktabr kuni bo‘lib o‘tadi. Unda Manchester shahrining ikki klubi o‘z uchrashuvlarini o‘tkazadi.
Angliya Premyer-Ligasi 9-tur bellashuvlari 22-oktabr, shanba
“Bornmut” — “Tottenhem” 0:0
“Arsenal” — “Midlsbro” 0:0
“Byornli” — “Everton” 2:1
Gollar: Sem Vouks, 39 (1:0). Yannik Bolasi, 58 (1:1). Skott Erfild, 90+2 (2:1).“Vest Hem” — “Sanderlend” 1:0
Gol: Uinston Rid, 90+5 (1:0).“Lester” — “Kristal Pelas” 3:1
Gollar: Ahmed Musa, 42 (1:0). Sindzi Okazaki, 63 (2:0). Kristian Fuks, 80 (3:0). Yoan Kabay, 85 (3:1).“Suonsi” — “Uotford” 0:0
“Xall Siti” — “Stok Siti” 0:2
Gollar: Jerdan Shakiri, 26 (0:1). Jerdan Shakiri, 50 (0:2).“Liverpul” — “Vest Bromvich” 2:1
Gollar: Sadio Mane, 20 (1:0). Felipe Koutinyo, 35 (2:0). Garet Makoli, 81 (2:1).23 oktyabr, yakshanba“Manchester Siti” — “Sautgempton”“Chelsi” — “Manchester Yunayted”
Izoh (0)