Tailand bosh vazirining o‘rinbosari Tanasak Patimaprakorn turizm va sport vazirligiga mamlakatda e’lon qilingan motam chog‘ida o‘zini tutish bo‘yicha tavsiyalardan iborat maxsus broshyuralar tayyorlash yuzasidan ko‘rsatma berdi. Shuningdek, sayyohlarga kiyimiga mahkamlab qo‘yishi uchun qora tasmalar taqdim etiladi, deb xabar bermoqda TJournal.
Ilgariroq Tailand turistik boshqarmasi milliy motam paytida qirollikka tashrif buyuruvchi sayyohlar uchun tavsiyalar ro‘yxatini e’lon qilgan edi.
“Motam paytida ko‘plar qora libosda yuradi. Chetdan kelganlar bunday qilishi majburiy emas, ammo jamoat joylarida to‘q ranglarda kiyinishga harakat qiling”, — deyiladi tavsiyalardan birida.
Tailandda milliy motam 14-oktabr kuni qirol Pxumipon Adulyadetning o‘limi munosabati bilan e’lon qilindi. Motam bir yil davom etadi.
Izoh (0)