7 yoshli avstraliyalik bola poni sotib olish uchun 2 yil limonad sotdi

Avstraliyaning Kvinslend shahrida istiqomat qiluvchi yetti yoshli Sebastyan Kent ikki yil davomida limonad sotib, o‘ziga poni sotib oldi. Bu haqda TJournal xabar bermoqda.

Bolaning oilasi uyda limonad tayyorlar edi. Sebastyan ichimlikning bir shishasini 20 sentdan sota boshladi. Shaharliklar bolaning asl maqsadini bilgach, uni oilasi bilan mahalliy bayramlarga limonad sotishga chaqira boshladi.

Bundan tashqari, fermerlar Sebastyanning oilasiga ichimlik tayyorlash uchun bepul limon yetkaza boshladi. Yana ba’zi xaridorlar ichimlik uchun 20–100 dollar atrofida bera boshladi.

Natijada bola ikki yil ichida 3 ming Avstraliya dollari to‘play oldi.

11-oktabr kuni ota-onasi Sebastyanga Tom laqabli poni sovg‘a qildi. Bolaning onasi Juliana Kent bolaning jonivor bilan birinchi uchrashuvini videoga tushirdi. Sebastyan orzusi amalga oshganidan shu qadar xursand bo‘ldiki, yig‘lab yubordi va otasini quchoqladi.