Qarshining “Nasaf” klubi safida to‘p surayotgan Igor Golban bilan Moskvaning “Dinamo” klubi qiziqib qolgan. Bu haqda futbolchining agenti Sefer Envirovich “Championat.asia” saytiga ma’lumot berdi.
“Golban Rossiya fuqarosi. Shu boisdan “Dinamo” safiga borib qo‘shilishida hech qanday muammo bo‘lmaydi. Hozir unga Ro‘ziqul Berdiyev katta ishonch bildirgan. Shu boisdan O‘zbekiston Kubogining finali o‘tgachgina, yakuniy qarorga kelamiz”, — deb aytib o‘tgan Sefer Envirovich.
“Nasaf”dan oldin Igor Golban “Qo‘qon—1912” klubi safida ham to‘p surgandi. Unga qiziqayotgan “Dinamo” esa o‘tgan mavsum yakuniga ko‘ra Rossiya Premyer-Ligasi bilan xayrlashgandi.
Izoh (0)