Vyetnamning bir qator markaziy provinsiyalarida o‘tgan hafta oxiridan buyon to‘xtamayotgan yomg‘irlar oqibatida kelib chiqqan suv toshqini qurbonlari soni 31 kishiga yetdi. Bu haqda Associated Press agentligi ma’lum qildi, deb yozadi “TASS”.
Shu bilan bir paytda Vyetnam shimoliga “Sarika” to‘foni yaqinlashib kelmoqda. Hukumat kemalar ekipajiga to‘fon harakatlanayotgan yo‘nalishdan uzoqroqda bo‘lishni tavsiya qildi. Shuningdek, mahalliy hukumatni xavf yuqori bo‘lgan hududlardan odamlarni evakuatsiya qilishga tayyor turishga chaqirdi.
Gonkong observatoriyasi “Sarika” to‘foni Xitoyning janubiy Xaynan oroliga yopirilganligini ma’lum qildi. Bo‘ron epimarkazida shamolning tezligi soatiga 155 kilometrni tashkil etadi. Noqulay ob-havo tufayli orolda o‘nlab aviareyslar va kemalar qatnovi bekor qilingan.
Vyetnamning shimoliy tumanlari, XXRning Guansi-Chjuan avtonom hududi va Guandun provinsiyasida ham bo‘rondan ogohlantirish e’lon qilingan.
Eslatib o‘tamiz, avvalroq Vyetnam markaziy provinsiyalarida suv toshqini oqibatida qurbon bo‘lganlar soni 24 kishiga yetganligi ma’lum qilingandi.
Izoh (0)