Bugun — 18-oktabr kuni “Shaxmat Yulduzlari” musobaqasining tantanali ochilish marosimi Toshkentdagi “Miran” mehmonxonasida bo‘lib o‘tadi, deb yozdi “Olamsport”.
Amir Temur tavalludining 680-yilligiga bag‘ishlab o‘tkazilayotgan musobaqada to‘rt nafar grossmeyster g‘oliblik uchun kurash olib boradi. Bular: ozarbayjonlik Shahriyor Mamadiyarov (2013-yil blits yo‘nalishida jahon chempioni), isroillik Boris Gelfand (2009-yil Jahon Kubogida g‘olib chiqqan), ukrainalik Ruslan Ponomaryov (2002 va 2003-yilgi mavsumlarda jahon chempioni), o‘zbekistonlik Rustam Qosimjonov (jahonning 17-chempioni).
“Shaxmat Yulduzlari” turnirining umumiy mukofot jamg‘armasi 50 ming AQSh dollarini tashkil qiladi. G‘olib grossmeyster o‘z hisob raqamini 20 ming dollarga boyitib oladi.
Izoh (0)