17-oktabr kuni “Shenchjou-11” kemasi uchirilganidan so‘ng, xitoylik ikki kosmonavt Xitoy Xalq Respublikasi uchun rekord darajadagi vaqt — 30 kun davomida koinotda bo‘ladi, deya xabar bermoqda “TASS” Xitoyning Uchuvchili kosmik parvozlar dasturi vakili U Pinga tayanib.
Long March-2 °F (“Chanchjen-2Ef”) eltuvchi raketasining parvozi 17-oktabr kuni mahalliy vaqt bilan 07:30 (Toshkent vaqti bilan 04:30) ga belgilangan. U shimoli-g‘arbiy Gansu provinsiyasidagi Szyusyuan kosmodromidan uchiriladi. Ayni paytda texnik xizmatlar eltuvchi raketaga yoqilg‘i quyish ishlariga kirishgan. Kema bortida kosmonavtlar Szin Xaypen va Chen Dun bo‘ladi. 50 yoshli ekipaj komandiri Szin Xaypen uchun bu koinotga uchinchi parvozdir.
“Shenchjou-11” uchirilganidan so‘ng ikki sutka davomida kosmonavtlar qurilmani Yerdan 393 km balandlikda “Tyangun-2” laboratoriyasi moduliga biriktirish bo‘yicha missiyani bajaradi, u yerda ekipaj 30 kunni o‘tkazadi. Bu XXR uchuvchili kosmik parvozlar dasturi uchun rekord ko‘rsatkichga aylanadi. Kosmonavtlarga orbitada qator eksperimentlarni o‘tkazish vazifasi qo‘yilgan.
Izoh (0)