O‘zbekiston milliy terma jamoasi hujumchisi Aleksandr Geynrix 2 ta gol urib, “Ordabasi” klubini qutqardi (video)

O‘zbekiston milliy terma jamoasi hujumchisi Aleksandr Geynrix Qozog‘iston chempionatining 30-turida 2 ta gol urishga erishdi.

U to‘p suradigan “Ordabasi” klubi o‘z maydonida “Irtish”ni qabul qilib, 0:2 hisobida ortda borayotgan joyidan durang qayd eta oldi. Geynrix ikki bor penaltini aniq amalga oshirib, jamoasini mag‘lubiyatdan qutqarib qoldi.

Avvalroq Geynrix “Aktobe” darvozasiga 3 ta, “Qayrat” va “Okjetpes”ga 1 tadan gol urishga erishgandi.