Iroq harbiy-havo kuchlari 15-oktabr, shanba kuni Mosul ustidan aholi ushbu shaharga hujumga tayyorgarlik ko‘rilayotgani haqida ogohlantirilgan minglab varaqalar tashladi. Bu haqda “TASS” xabar bermoqda.
“Biz Mosulni ozod qilish va mintaqaga xavfsizlik hamda barqarorlikni qaytarishga tayyorgarlik ko‘ryapmiz”, — deyiladi varaqada.
Mosul aholisidan uylarida qolish, eshik-derazalarni bekitish va jangarilar marralariga yaqinlashmaslik so‘ralgan. Gazeta uslubida bezatilgan varaqalarda jangarilar harakati haqida xabar berish uchun telefon raqami keltirilgan.
Izoh (0)