Rossiya Eron, Iroq va Misr vakillarini bugun, 15-oktabr kuni Lozannada bo‘lib o‘tadigan Suriya bo‘yicha muzokaralarda ishtirok etishga chaqirdi. Bu haqda Rossiya TIV rahbari o‘rinbosari Mixail Bogdanov ma’lum qildi, deb yozadi “Interfaks”.
“Biz Eron, Iroq va Misrning vakillari yetib kelishi va bu haqda amerikaliklar bilan gaplashib olish tarafdorimiz”, — dedi rossiyalik diplomat. U, shuningdek, Suriya mojarosini mamlakatlarning tor doirasida, suriyaliklarga bevosita ta’sir o‘tkaza oladigan mamlakatlar bilan tartibga solish kerakligini ta’kidladi.
Misr TIV boshqarma rahbari Sameh Shukriy Lozannaga Suriya bo‘yicha vazirlar uchrashuviga yetib kelishini rasman ma’lum qilgan.
Keyinroq Eron diplomatlari ham o‘z ishtirokini tasdiqlagan.
Izoh (0)