Germaniyalik fuqaro Eurojackpot lotereyasida mamlakat uchun rekord bo‘lgan 90 mln yevro yutib oldi

Germaniya fuqarosi Eurojackpot lotereyasida 90 million yevro yutib oldi. Bu haqda Spiegel’ga tayanib, “Korrespondent.net” xabar bermoqda.

Xabarda qayd etilishicha, mamlakat uchun rekord bo‘lgan summa yutug‘ini 7, 10, 25, 39, 42 raqamlar kombinatsiyasi hamda ikkita qo‘shimcha raqam – 3 va 6 olib keldi.

Germaniyada lotereyadagi yutuq bo‘yicha avvalgi rekord 2016-yilning iyul oyi oxirida o‘rnatilgandi. O‘shanda Gessen yeri fuqarosi 84,8 million yevroga ega chiqqandi.