Denis Istomin Tashkent Challenger—2016 juftlik bellashuvlarining chempioniga aylandi
O‘zbekistonning birinchi raqamli raketkasi Denis Istomin va uning sherigi — rossiyalik Mixail Yelgin Tashkent Challenger—2016 ning juftlik bellashuvlarida zafar quchdi, deb yozdi “Olamsport”.
Final bellashuvida mazkur juftlik germaniyalik Andre Begamann hamda hindistonlik Leander Paesni mag‘lub etishga muvaffaq bo‘ldi — 6:4, 6:2.
Ma’lumot uchun, Denis Istomin va uning jamoadoshiga qarshi kortga chiqqan Leander Paes katta dubulg‘a turkumiga kiruvchi tennis musobaqalarining 12 tasida juftlik bellashuvlari g‘olibiga aylangan.
Denis Istomin bilan g‘alabani nishonlagan kuni rossiyalik Mixail Yelgin o‘zining 35 yoshini qarshi oldi.
Istomin Tashkent Challenger—2015 ning yakkalik bellashuvlarida bosh sovringa ega chiqqandi. U bugun — 15-oktabr kuni Tashkent Challenger—2016 ning ham final o‘yinida ishtirok etib, mazkur musobaqani uchinchi bor yutib olishga harakat qiladi.
