Germaniya sudi Erdo‘g‘onning tanqidiy she’r yuzasidan kiritgan apellyatsiyasini qabul qilmadi

Germaniyaning Koblens shahri bosh prokuraturasi Turkiya prezidenti Rajab Toyyib Erdo‘g‘onning apellyatsiyasini asossiz deb topib, uni rad etdi. Apellyatsiya Germaniya sudining tanqidiy she’r ishi bo‘yicha tergovni to‘xtatish qaroriga qarshi qaratilgan edi, deb xabar beradi “TASS”.

31-mart kuni teledasturlardan birining efirida germaniyalik qiziqchi Yan Bemerman Turkiya prezidentiga qarshi qaratilgan qo‘pol she’rni o‘qib eshittirdi.

Erdo‘g‘on qiziqchini sudga berib, uni “xorijiy davlat rahbarini haqorat qilish” uchun javobgarlikka tortishni talab qildi. Ammo Mayns sudi Bemermanni jazolash uchun biror asos topa olmadi. Erdo‘g‘on Koblens shahri sudiga apellyatsiya kiritishga qaror qildi, ammo bu ham foyda bermadi.