Britaniyalik erkak bir necha sekundda 4 ta televizorni sindirib qo‘ydi

Kornuoll grafligining Sent-Ostell shahridagi do‘konlardan birida tashrifchi to‘rtta plazmali televizorni sindirib qo‘ydi. Voqea kuzatuv kameralarida qayd qilindi, deb xabar beradi TJournal.

Videoda aks etishicha, erkak bir qatorga terilgan ikki televizorni ko‘zdan kechirish uchun o‘tiradi. Bir muddatdan so‘ng u muvozanatni yo‘qotib, ekranga suyanadi, buning oqibatida ikki televizor ham tushib ketadi. O‘zini yo‘qotib qo‘ygan tashrifchi orqaga keta boshlaydi va yana ikkita televizorga tegib ketadi.