Tailand qiroli huzuridagi Maxfiy kengash rahbari, mamlakatning sobiq vaziri Prem Tinsulanon qirol Pxumipon Adulyadetning vafoti hamda valiahd shahzoda Maxa Vachiralongkorn taxtga chiqish marosimini ixtiyoriy ravishda ortga surganidan so‘ng mamlakatning vaqtinchalik rahbariga aylandi. Bu haqda, Bangkok Post nashriga asoslanib, “TASS” xabar bermoqda.
“Konstitutsiyaga muvofiq, general Tinsulanon muvaffaqat rahbar etib tayinlandi. Valiahdning taxtga chiqishi kechiksa, Maxfiy kengash rahbari vaqtinchalik rahbarga aylanadi”, — deyiladi xabarnomada.
96 yoshli Tinsulanon 1998-yildan buyon kengashga rahbarlik qilib keladi. U Tailand siyosatining eng mashhur vakillaridan biridir. 1980–1988-yillarda general Tinsulanon mamlakat hukumatining rahbari bo‘lgan.
Izoh (0)