Seriraj klinikasida shifokorlar nazorati ostida yotgan Tailand qiroli, 88 yoshli Pumipon Adulyadetning salomatligi umuman olganda hozircha barqarorlashgani yo‘q, deya xabar bermoqda “TASS” qirollik saroyi bayonotiga tayanib.
“11-oktabr holatiga ko‘ra, uning qon bosimi pasaydi va nafas olishi tezlashdi… Umuman olganda ahvoli hozircha barqarorlashgani yo‘q”, — deyiladi tibbiy byulletenda.
9-oktabr, yakshanba kuni Tailanddagi qirollik saroyi byurosi Pumipon Adulyadetning salomatligi yomonlashganini e’lon qilgan edi. Qirol qonini toksinlar, ortiqcha tuzlar va suyuqliklardan tozalash jarayoni o‘tkazilgan, bu esa uning qon bosimi keskin tushib ketishiga sabab bo‘lgan. Shundan so‘ng qirol o‘pkani sun’iy shamollatish qurilmasiga ulangan.
Ma’lumot uchun, 1946-yilda taxtga o‘tirgan Pumipon Adulyadet nogironlik kursisiga o‘tirib qolgan va oxirgi ikki yil mobaynida turli tashxislar bilan kasalxonalarga yotqizilgandi.
Izoh (0)