“Sport” telekanali yoshlar o‘rtasidagi Osiyo Chempionati bellashuvlarini translyatsiya qiladi
Jasur Abduraimov boshqaruvidagi O‘zbekiston yoshlar terma jamoasi ishtirok etadigan futbol bo‘yicha Osiyo Chempionati o‘yinlari O‘zMTRKning “Sport” telekanalida namoyish etiladi.
Qit’a chempionatidan joy olgan o‘yinlarning barchasini to‘g‘ridan-to‘g‘ri namoyish etish rejalashtirilgan.
13-oktabr kuni start oladigan musobaqani Toshkent vaqti bilan 18:30 da start oladigan Janubiy Koreya — Tailand o‘yini ochib beradi. 21:30 da esa turnir mezboni Bahrayn Saudiya Arabistoniga qarshi maydonga chiqib keladi.
O‘zbekiston yoshlar termasi o‘zining ilk uchrashuvini 15-oktabr kuni Tojikistonga qarshi o‘tkazadi. Osiyo Chempionatida ishtirok etayotgan 16 mamlakat nomi bilan mana shu havola orqali tanishish mumkin.
Ma’lumot uchun, turnir yarim finaliga qadar yetib borgan mamlakatlar 2017-yil Janubiy Koreyada o‘tadigan Jahon Chempionatiga yo‘llanma oladi.
