O‘zbekiston terma jamoasi FIFA reytingi tarixida ilk bor Rossiyadan o‘zib ketadi

Futbol bo‘yicha Rossiya terma jamoasi FIFAning yangilangan reytingida katta ehtimol bilan 52-o‘rinni egallaydi. Hozirda Stanislav Cherchesov qo‘li ostidagi terma jamoa FIFA reytingida 38-pog‘onada bormoqda.

Rossiya uchun bu tarixdagi eng yomon natija bo‘ladi. Bundan avvalgi antirekord 1998-yili o‘rnatilgan bo‘lib, unda Rossiya termasi 40-o‘rindan joy olgandi.

“Sports.ru” FIFAning rasman 20-oktabrda chiqadigan reytingida Rossiya terma jamoasidan o‘zib ketadigan 8 terma jamoani keltirdi. Ular orasida Samvel Babayan murabbiyligi ostidagi O‘zbekiston milliy terma jamoasi ham bor.

Albaniya, 49-o‘rin

Yevro–2016 turnirida 3 ochko to‘plagan Albaniya JCh–2018 musobaqasiga saralash bosqichini Makedoniya va Lixtenshteyn ustidan erishilgan g‘alaba va Ispaniyadan uchralgan mag‘lubiyat bilan boshladi. Asosiy yulduz – Xyusay.

Kongo Demokratik Respublikasi, 48-o‘rin

Kongo DR JCh–2018 turniriga saralash bosqichida Liviya termasini 4:0 hisobida mag‘lubiyatga uchratdi. Asosiy yulduzlar – Bolazi, Mbokani.

O‘zbekiston, 46-o‘rin

O‘zbekiston JCh–2018 turniriga 3-saralash bosqichining dastlabki 4 turida Suriya (1:0), Qatar (1:0) va Xitoy termasini (2:0) mag‘lubiyatga uchratdi. Samvel Babayan shogirdlari faqatgina Eronga (0:1) yutqazib qo‘ydi. Asosiy yulduz – Odil Ahmedov.

Eron, 39-o‘rin

Eron terma jamoasi JCh–2018 turniriga saralash bosqichida Qatar (2:0), O‘zbekiston (1:0) va Janubiy Koreya termasi (1:0) bilan o‘yinda 3 ochkodan olishga muvaffaq bo‘ldi. Xitoy bilan o‘yinda esa 0:0 hisobi qayd etilgandi. Asosiy yulduz – Sardor Azmun.

Tunis, 36-o‘rin

Tunis terma jamoasi JCh–2018 turniriga saralash bosqichida Gvineyani (2:0) mag‘lubiyatga uchratdi. Asosiy yulduz – Abdennur.

Shimoliy Irlandiya, 35-o‘rin

Shimoliy Irlandiya termasi Yevro–2016 dan keyin unchalik yaxshi o‘yin ko‘rsatmayapti: Chexiya bilan durang, Germaniyadan mag‘lubiyat va San-Marino bilan o‘yinda g‘alaba. Asosiy yulduz – Jonni Evans.

Senegal, 32-o‘rin

Senegal JCh–2018 turniriga saralash bosqichida Kabo-Verdeni 2:0 hisobida taslim qilib, o‘z guruhida peshqadam bo‘lib oldi. Asosiy yulduz – Sadio Mane.

Ruminiya, 29-o‘rin

Ruminiiya Yevro–2016 dan keyin ko‘pchilikni ajablantirmoqda. JCh–2018 turniriga saralash bosqichida rumiyaliklar Armaniston bilan o‘yinda 3 ochko oldi. Qozog‘iston va Chernogoriya bilan o‘yinda durang qayd etildi. Asosiy yulduz – Vlad Kirikesh.