Gollandiyada sog‘lom odamlarning evtanaziyaga bo‘lgan huquqini qonuniylashtirish loyihasi ishlab chiqilmoqda

Niderlandiya rasmiylari tuzatib bo‘lmas xastalikka chalinmagan odamlarga ham hayotdan ketishga yordam berishni qonuniylashtirishni ko‘zda tutuvchi qonun loyihasi ishlab chiqmoqda. Bu haqda Reuters agentligi ma’lum qildi, deb yozadi “Gazeta.ru”.

Sog‘liqni saqlash va adliya vazirlari Gollandiya parlamentiga xat yo‘llab, unda loyihaning o‘ziga xos jihatlari ishlab chiqarilayotganligi, biroq ushbu qonun hayoti yakunlanganligini aniq tushunib yetgan odamlarga yo‘naltirilgan bo‘lishi lozimligini ta’kidlagan.

Maktubda ta’kidlanishicha, yangi qonun keksa kishilarga qaratilishi mumkin. Chunki asosan ularda o‘z xohishi bilan hayotdan ketish istagi yuzaga keladi.