Samsung kompaniyasi Galaxy Note 7 smartfonlari egalariga maxsus olovga chidamli qutilarni yetkazib bera boshladi, qurilmalarni ularga solib, Janubiy Koreya kompaniyasiga qaytarib yuborish kerak bo‘ladi. Bu haqda Business Insider xabar berdi, deb yozadi “RBK”.
Issiqlikni o‘tkazmaydigan qutiga batafsil yo‘riqnoma va qo‘lqoplar ilova qilingan. Qutida ular zarar ko‘rgan yoki nuqsonli litiy-ionli akkumulyatorlar uchun mo‘ljallangani haqida belgi bor. Shuningdek, qutini samolyotda tashish taqiqlangan.
Smartfonlar egalariga qurilmalarni ishlab chiqaruvchiga qaytarib yuborishdan oldin, ularni o‘chirib qo‘yish tavsiya etilgan.
Eslatib o‘tamiz, 2-sentabr kuni Samsung akkumulyator batareyalarida aniqlangan muammolar tufayli, Galaxy Note 7 smartfonlari savdosini to‘xtatgan va ularni yalpi tarzda qaytarib olgan edi.
OAVlarda almashtirib berilgan Galaxy Note 7 smartfonlari ham yonib ketayotgani haqida xabarlar paydo bo‘lgach, Samsung ushbu qurilmani ishlab chiqarishni to‘xtatdi.
Izoh (0)