Rossiya bir kun ichida uchinchi ballistik raketani uchirdi

Harbiy tayyorgarlikni tekshirish jarayonida “Novomoskovsk” atom submarinasi “Sineva” qit’alararo ballistik raketasini uchirdi. Bu haqda “RBK” xabar bermoqda.

Suv osti kemasi raketani Barens dengizi akvatoriyasidan turib Kamchatka yarim orolidagi Kura poligoniga qarata uchirdi.

Raketaning uchirilishi Shimoliy flot suv osti kuchlarining yuqori tayyorgarlik darajasini ko‘rsatdi, deb ta’kidlanadi mamlakat mudofaa vazirligi xabarnomasida.

Shu tariqa, Rossiya qurolli kuchlari bir kun ichida uchinchi ballistik raketani uchirishi. Biroz oldin Arxangelsk viloyatidagi “Plesetsk” kosmodromidan “Topol” ballistik raketasi uchirilgani xabar qilingan edi. Undan ilgari “Georgiy Pobedonosets” atom suv osti kemasidan raketa uchirilgan edi.