Liverpulda futbolchining o‘g‘li masxarabozlar haqida hazillashgani tufayli sakkizta maktab evakuatsiya qilindi

Angliya Premyer-ligasining nomi keltirilmayotgan futbolchisiga o‘g‘il bo‘lmish o‘smirning hazili tufayli Liverpulning sakkiz maktabi evakuatsiya qilindi. Bu haqda, The Sun nashriga asoslanib, “TASS” xabar bermoqda.

Aytilishicha, o‘smir ijtimoiy tarmoqlarda masxarabozlarning fotosuratlarini chop etib, ular o‘quv maskanlari yaqinida bolalarni poylab turishini yozdi. Liverpul politsiyasi xavfsizlik nuqtai nazaridan maktab o‘quvchilarini evakuatsiya qildi.

Ayni paytda hazilkashning o‘qishi to‘xtatib qo‘yildi. Uning maktabdan chetlashtirilishi ko‘rib chiqilmoqda.