AQShda “Mettyu” dovulining qurbonlari soni 27 kishiga yetdi. Bu haqda NBC telekanaliga tayanib, “Gazeta.ru” xabar bermoqda.
Avvalroq tabiiy ofat oqibatida halok bo‘lganlar soni 17 kishini tashkil etayotgani haqida xabar qilingandi.
Xabarda ta’kidlanishicha, dovul oqibatida Shimoliy Karolina shtatida – 11, Floridada – 9, Janubiy Karolina va Jorjiyada – 3 nafardan, Virjiniyada esa 1 kishi hayotdan ko‘z yumdi.
Bir millionga yaqin kishi yordamga muhtoj, Jorjiya shtatida 124 ming odam elektr tarmog‘isiz qoldi.
Meteorologlarning ma’lumotiga ko‘ra, “Mettyu” yopirilgan shtatlardagi daryo sathi ko‘tarilishda davom etmoqda.
Izoh (0)