Rossiya Federal xavfsizlik xizmati Dog‘istonning Sulaymon-Stalskiy tumanida 3 nafar jangarini yo‘q qildi. Bu haqda “RBK” xabar bermoqda.
Jangarilar Smur aholi punkti sharqidagi o‘rmonda aniqlangan. Qurolni topshirish va taslim bo‘lish haqidagi taklifga javoban ular kuch tizimi xodimlariga qarata o‘t ochdi. Natijada maxsus bo‘linma xodimlaridan biri yaralandi. Tinch aholidan hech kim jabrlanmadi.
Dog‘iston huquq-tartibot idoralaridagi manbaga ko‘ra, o‘ldirilgan jangarilar respublika hududida qator og‘ir jinoyatlarni amalga oshirishga aloqador bo‘lgan.
Hozirda FXX xodimlari jangarilarning ehtimoliy sheriklarini qidirmoqda. Aksilterror operatsiyasi davom etmoqda.