“Championat.asia” nashri O‘zbekiston — Xitoy o‘yiniga bo‘lgan qiziqish O‘zbekiston — Eron o‘yiniga bo‘lgan qiziqishga qaraganda pastroq bo‘layotganini ma’lum qildi. Bunda nashr “Bunyodkor” stadioni kassalarida yuzaga kelgan navbatga e’tibor qaratgan.
Eron bilan o‘yindan oldin stadion kassasi oldiga yaqinlashib bo‘lmayotgan edi. Bugun esa o‘yinga qiziqish juda pasayib ketganiga guvohi bo‘ldik. Kassalar oldida odamlar juda kam. Oldingi bahslardan oldin bir inson chipta olish uchun taxminan 2 soat navbatda turgan bo‘lsa, bugun 15—20 daqiqada chipta olib ketilmoqda. Odamlarda negadir Xitoy bilan o‘yinga qiziqish kamdek, deb yozdi nashr.
Xabarda kassa oldida doimgidek olib sotarlar ishlayotgani, ular o‘tgan-ketganga chipta taklif qilayotgani aytilgan. Narxlar ham oldingidek “osmon” emas, deb xulosa berilgan.
Izoh (0)