AQSh moliya vazirligi Eronga nisbatan sanksiyalarni yumshatdi, deb yozadi “Korrespondent.net”. Endilikda ilgari taqiqlangan, dollarda olib boriladigan ba’zi operatsiyalarga ruxsat berildi.
Eronga, shuningdek, ofshor bank muassasalari bilan AQSh moliya vazirligiga taalluqli bo‘lmagan ishlarni olib borishga ham ruxsat etildi.
Bundan tashqari, Amerika hukumati Eron kompaniyalari bilan operatsiyalar o‘tkazishga qo‘yilgan taqiqni olib tashladi.
Nashr eslatishicha, avvalroq Yevropa ittifoqi Eronning yadro dasturi tufayli unga qarshi kiritilgan sanksiyalarni to‘liq bekor qilgan edi. AQSh hukumati esa buni qisman amalga oshirdi.
Tegishli qarorlar Atom energiyasi bo‘yicha xalqaro agentlik Tehron yadro dasturi bo‘yicha xalqaro vositachilar oltiligi oldidagi majburiyatlarini bajarganligi haqida ma’ruza e’lon qilgach, qabul qilindi.